eý

1

Birine habar gatylanda ulanylýan ýüz tutma söz-ümlük.

∙ Eý, akmak geçi, indi tä ölýänçäň, gurrugyň içinde galyber! («Türkmen Halk Ertekiler Ýygyndysy»)

∙ Eý, tilki dost, sen bir gün hem işlemediň! («Türkmen Halk Ertekiler Ýygyndysy»)

∙ Eý, oglanlar, Çarwa aga gelýär! -- diýen ses çykdy. (B. Gurbanow, Çarwa Mergeniň Gürrüňi)

∙ Eý, gurrandazlar men il içinde aýdyşyp ýeňene, göreşip ýykana barjak! -- diýip, özüm wada etdim. («Görogly» eposy)

∙ Eý, Jepbar, şu günki habary eşitdiňizmi?! (G. Gurbansähedow, Ýürek Daş Däl)

2

Derini, hamy işläp bejermek, üçin ulanylýan gatyk, ajadylan unly garybdy.

∙ Mergen aga derä eý berip- çaý içmäge oturdy.

◊ eý almak — Eýiň derä, hama oňat siňmekligi, ornaşmaklygy, ýeterlik eýlenmek, eýi ýetmek.

∙ Ol deriler oňat eý alypdyr.

◊ eýden çykarmak — Deri, ham ýeterlik wagtda eýde ýatandan soň ony eýden arassalamak, sermek.

∙ Derileri eýden çykardylar.

◊ eýini görmek — Berk çäre görmek, temmi bermek, urmak.

◊ eýini ýetirmek

1) Öz mukdaryna, ýeterlik eýbermek, eýini az etmezlik.

∙ Durdy, derileriň eýini ýetirgin!

2) seret eýini görmek

∙ Ony gözläp tapyp, mazalyja eýini ýetirmeli ekeniňiz ahyryn! Emma men dyzap, olaryň arasyndan sypdym-da, arkamy bir jaýa diräp, ýumruklarymy öňe uzatdym we öňürti sokulyp gelse, onuň eýini ýetirjekdigim aýtdym. («Sowet edebiýaty» žurnaly)

3

◊ eý görmek — Gowy görmek, eziz görmek, halamak, ýürekden ýagşy görmek.

∙ Şonda-da ony men gaty eý görýän! («Edebiýat we Sungat» gazeti)

∙ Öz goýnuny ählisinden eý görýär. («Tokmak» žurnaly)

∙ Ol şert etse-etmese-de, diýenini edýän başlygy eý görýär. («Sowet edebiýaty» žurnaly)

∙ Men tüpeňimi, gapanlarymy diýseň eý görýärdim. (B. Gurbanow, Çarwa Mergeniň Gürrüňi)

∙ Anna Petrowna meni öz ogly ýaly ýaly eý görýär. (B. Kerbabaýew, Aýgytly ädim)

∙ Gandym awçy hem agtygy Myrady ölen ogunyň dereginde eý görýärdi. (A. Gowşudow, Eserler)